Lunäio zeneise pe l’anno 2025 da sciâ Tägnâ e amixi
Zena, Stampaia San Zòrzo
marso
| Giorno e festivitæ | Sô (Zena) | ||||||
|---|---|---|---|---|---|---|---|
| spægâ | chinâ | ||||||
| sabbo | 1 | S. Albin | 7 | 02 | 18 | 11 | |
| domenega | 2 | S. Quinto | 7 | 01 | 18 | 12 | |
| lunesdì | 3 | S. Cunegonda | 6 | 59 | 18 | 14 | |
| mätesdì | 4 | Mätesdì grasso, S. Caximiro |
6 | 57 | 18 | 15 | |
| mäcordì | 5 | Mäcordì scuöto, Çenie, S. Adrian |
6 | 55 | 18 | 16 | |
| zeuggia | 6 | S. Marçian | 6 | 54 | 18 | 18 | |
| venardì | 7 | SS. Feliçita e Perpetua | 6 | 52 | 18 | 19 | |
| sabbo | 8 | Giornâ da dònna, S. Gioane de Dio |
6 | 50 | 18 | 20 | |
| domenega | 9 | Domenega da pugnatta, 1ª domenega de Quæxima, S. Françesca romaña |
6 | 48 | 18 | 22 | |
| lunesdì | 10 | S. Simpliçio pappa | 6 | 46 | 18 | 23 | |
| mätesdì | 11 | S. Constantin | 6 | 45 | 18 | 24 | |
| mäcordì | 12 | S. Mascimilian | 6 | 43 | 18 | 25 | |
| zeuggia | 13 | S. Cristiña | 6 | 41 | 18 | 27 | |
| venardì | 14 | S. Metirde | 6 | 39 | 18 | 28 | |
| sabbo | 15 | S. Longin | 6 | 37 | 18 | 29 | |
| domenega | 16 | 2ª domenega de Quæxima, S. Eriberto vesco |
6 | 36 | 18 | 31 | |
| lunesdì | 17 | S. Patriçio | 6 | 34 | 18 | 32 | |
| mätesdì | 18 | S. Sarvou | 6 | 32 | 18 | 33 | |
| mäcordì | 19 | S. Giöxeppe | 6 | 30 | 18 | 34 | |
| zeuggia | 20 | S. Claudia | 6 | 28 | 18 | 36 | |
| venardì | 21 | S. Beneito | 6 | 27 | 18 | 37 | |
| sabbo | 22 | S. Lea | 6 | 24 | 18 | 38 | |
| domenega | 23 | 3ª domenega de Quæxima, S. Turibio |
6 | 22 | 18 | 39 | |
| lunesdì | 24 | S. Reummo | 6 | 21 | 18 | 40 | |
| mätesdì | 25 | Annonçiaçion do Segnô | 6 | 19 | 18 | 42 | |
| mäcordì | 26 | S. Manoælo | 6 | 17 | 18 | 43 | |
| zeuggia | 27 | S. Gosta | 6 | 15 | 18 | 44 | |
| venardì | 28 | S. Scisto III pappa | 6 | 13 | 18 | 45 | |
| sabbo | 29 | S. Segondo martire | 6 | 12 | 18 | 47 | |
| domenega | 30 | 4ª domenega de Quæxima, S. Amedeo |
7 | 10 | 18 | 48 | |
| lunesdì | 31 | S. Beniamin | 7 | 08 | 19 | 49 | |
I proverbi do meise
Marso, tenzime o cû e no me tenzi atro.
Marzo, tingimi il culo e non mi tingere altro.
Se frevâ o no frevezza, marso o ghe pensa.
Se febbraio non febbreggia, marzo ci pensa.
Marso sciuto e arvî bagnou, beato o villan chi à semenou.
Marzo asciutto e aprile bagnato, beato il contadino che ha seminato.
À San Giöxeppe, se ti peu, impi a poela de frisceu.
A San Giuseppe, se puoi, riempi la padella di frittelle.
I conseggi pe l’òrto
Marso o l’é o momento giusto pe-a prevençion de moutie fonziñe inti erboi da fruta: beseugna fâ di trattamenti co-o rammo e o sorfo. Dæto che inte questo meise l’é façile che ghe segge tanta differensa de temperatua tra o giorno e a neutte, e parte de scòrse di erboi espòste a-o sô peuan patî de scciappeuie. Pe schivâ o problema se peu spennellâ a scòrsa di erboi con quarcösa de ciæo. I nòstri vegi ghe davan a cäçiña, ma se peu addeuviâ atre preparaçioin appöxite. Momento bon ascì pe fâ i innesti à taggio. Semenæ in tæra leitughe, spinasci, giæe, radiccioin e scaròlle ma co-e proteçioin de tesciuo no tesciuo pe-a neutte. Se peuan mette inta tæra e patatte çernue tra e qualitæ ciù adattæ a-e vòstre bande. Se gh’ei do spaçio a-o sosto, preparæ di vasetti e semenæ succhin, sucche, meizañe, tomate, pevioin, pevionetti, chigheumai, faxolin, çellao, porsemmo, e baxaicò. Chi gh’à o vin da imbottiggiâ peu fâlo da-a meitæ do meise scin a-a fin.
Se ghe creddei, poei ammiâ e luñe: primmo quarto, vin ch’o frizze; luña piña e urtimo quarto de marso, tutto o vin. Segondo a convinçion no se deve imbottiggiâ de luña neua.
☞ Ammiâ tutti i conseggi pe l’òrto
A squaddra do meise Pro Recco
Sta squaddra de waterpölo a l’é a ciù titolâ a-o mondo; a Pro Recco Waterpolo 1313, ciammâ da tutti Pro Recco, a peu vantâ un gran numero de titoli: 36 scui, 17 Coppe Italia, 11 Champions League, 9 Supercòppe… I gianco-bleu mantëgnan a tradiçion de tante squaddre ligure da-i coî gianco e bleuçê, e zeugan inta pisciña do commun de Söi.