Lunäio zeneise pe l’anno 2025 da sciâ Tägnâ e amixi

Zena, Stampaia San Zòrzo

agosto

Giorno e festivitæ Sô (Zena)
spægâ chinâ
venardì 1 S. Alfonso 6 10 20 49
sabbo 2 S. Oseuggio 6 12 20 48
domenega 3 S. Lidia 6 13 20 47
lunesdì 4 S. Nicodemo 6 14 20 45
mätesdì 5 Madònna da Neive 6 15 20 44
mäcordì 6 B. Ottavian de Saña 6 16 20 43
zeuggia 7 S. Gaitan 6 17 20 42
venardì 8 S. Domenego 6 18 20 40
sabbo 9 S. Texo da Croxe 6 19 20 39
domenega 10 S. Loenso 6 21 20 37
lunesdì 11 S. Ciæa 6 22 20 36
mätesdì 12 S. Ercolan 6 23 20 34
mäcordì 13 S. Ippòlito 6 24 20 33
zeuggia 14 S. Mascimilian Kolbe 6 25 20 31
venardì 15 Assonçion da V.M. 6 27 20 30
sabbo 16 S. Ròcco 6 28 20 28
domenega 17 S. Giaçinto 6 28 20 27
lunesdì 18 S. Elena 6 30 20 25
mätesdì 19 S. Marian 6 31 20 23
mäcordì 20 S. Benardo abbou 6 32 20 22
zeuggia 21 S. Cristòffa 6 33 20 20
venardì 22 S. Feipo 6 34 20 18
sabbo 23 S. Reusa de Limma 6 36 20 16
domenega 24 S. Bertomê 6 37 20 15
lunesdì 25 S. Ludovigo 6 38 20 13
mätesdì 26 S. Lusciandro 6 39 20 12
mäcordì 27 S. Monega 6 40 20 10
zeuggia 28 S. Agostin 6 42 20 08
venardì 29 N. S. da Guardia 6 43 20 06
sabbo 30 S. Feliçe 6 44 20 04
domenega 31 S. Aristide Martire 6 45 20 03

I proverbi do meise

A primm’æguetta d’agosto a refresca l’äia e o costo.
La prima pioggerella d’agosto rinfresca l’aria e il cespuglio.

Chi dòrme d’agosto dòrme à seu costo.
Chi dorme d’agosto dorme a sue spese.

De settembre e d’agosto beivi o vin vegio e lascia stâ o mosto.
Di settembre e d’agosto bevi il vino vecchio e lascia stare il mosto.

À San Gaitan, de scciappe de meizaña se n’impe un tian.
A San Gaetano, di fette di melanzane se ne riempie un tegame.

☞ Ammiâ tutti i proverbi

I conseggi pe l’òrto

In agosto se cheugge. L’é o momento che i fruti meuian de ciù. Ascì e patatte avian finio o seu tempo e o verde o secca. Quande o l’é tutto seccou ben, se prinçipia l’arrecheuggeita. Tegnî conto d’anâghe cianin co-a sappa pe no arroinâle e çercæ de cheuggile tutte, che maniman quelle ch’arrestan peuan transmette quarche magagna a-e proscime coltivaçioin. Se devan lasciâ à sciugâ in sciô terren un pâ de giorni primma d’arreccoviâle inte unna cantiña a-o scuo. O mæximo travaggio o se fa co-e çioule e l’aggio, se lascian feua da tæra à sciugâ primma de intressâle pe fâ e reste. Se i faxeu, faxoele e faxolin an finio o seu tempo, se peuan taggiâ incangio de rancâle, defæti e reixe di legummi inricchiscian o terren de azöto. Se porrieivan interrâ ascì e parte verde, ma solo se no son moute. M’arrecommando, o terren delongo bagnou! In agosto o sô o picca e o se sciuga fito. Se quarchedun o gh’à a poscibilitæ, o porrieiva fâse un impianto pe bagnâ à stisse, l’é o megio: no se straggia ægua e e ciante beivan quello che ghe serve. Chi o l’à ciantou i cöoscioî, pe avvardâli da-o tròppo sô ch’o î fa vegnî marròn-giani, o peu ligâ insemme e primme quattro/çinque feugge de mainea de no fâghe piggiâ a luxe diretta. Se deve crovî ascì i fenoggi piccin pe fâli ingianchî. Arræî e ciante tròppo scciasse.

☞ Ammiâ tutti i conseggi pe l’òrto

A squaddra do meise Sanmargaiteise

Uña de squaddre de amatoî ciù antighe do Tigullio, a zeuga into stadio «Eugenio Broccardi» de Santa Margaita. I margaitin se son scriti pe-a primma vòtta a-a FIGC do 1920, in occaxon da partia de l’Italia contra i Paixi Basci zugâ à Zena; da chì a deçixon de piggiâ i coî bleu e çetron. A squaddra a l’é stæta inta serie C pe-a saxon do 1946-1947, e a l’à guägn fiña a Coppa Italia di amatoî da Liguria pe-a saxon 2013-2014, con fâ vedde comme squaddre d’amatoî peuan portâse apreuvo un carrego de stöia sportiva ben ben importante.

☞ Ammiâ a lista de squaddre