Lunäio zeneise pe l’anno 2027 da sciâ Tägnâ e amixi

Zena, Stampaia San Zòrzo

ottobre

Giorno e festivitæ Sô (Zena)
spægâ chinâ
venardì 1 S. Remixo 7 21 19 05
sabbo 2 SS. Angei custòddi 7 22 19 03
domenega 3 S. Gerardo abbou 7 24 19 01
lunesdì 4 S. Françesco de Ascixi 7 25 19 00
mätesdì 5 S. Apoinâ 7 26 18 58
mäcordì 6 S. Brun 7 27 18 56
zeuggia 7 Madònna do Rosäio 7 28 18 54
venardì 8 S. Ugo de Zena 7 30 18 52
sabbo 9 S. Abrammo 7 31 18 51
domenega 10 S. Danê 7 32 18 49
lunesdì 11 S. Manoæla 7 33 18 47
mätesdì 12 S. Serafin 7 34 18 45
mäcordì 13 S. Reummo de Zena 7 36 18 43
zeuggia 14 S. Callisto 7 37 18 42
venardì 15 S. Texo d'Avila 7 39 18 40
sabbo 16 S. Margaita Maria Alacoque 7 40 18 39
domenega 17 S. Ignaçio d’Antiòchia. 7 41 18 37
lunesdì 18 S. Lucco vangelista 7 42 18 35
mätesdì 19 S. Laura 7 43 18 33
mäcordì 20 S. Irene 7 45 18 32
zeuggia 21 S. Betòrdo da Parma 7 46 18 30
venardì 22 S. Donou 7 48 18 28
sabbo 23 S. Gioane Böno 7 49 18 27
domenega 24 S. Raffaê 7 50 18 25
lunesdì 25 S. Crispin 7 51 18 24
mätesdì 26 S. Evaristo pappa 7 52 18 22
mäcordì 27 S. Fiorenso vesco 7 54 18 21
zeuggia 28 SS. Scimon e Giudda 7 55 18 19
venardì 29 S. Linda 7 57 18 18
sabbo 30 S. Saturnin 7 58 18 16
domenega 31 S. Wolfango 7 00 18 15

I proverbi do meise

À San Lucco a semensa dapertutto.
A San Luca la semenza dappertutto.

Ottobre cantinê, o mua l’uga in vin.
Ottobre cantiniere, trasforma l’uva in vino.

À San Brunon combi in proçescion.
A San Brunone colombi in processione.

☞ Ammiâ tutti i proverbi

I conseggi pe l’òrto

O l’é o meise de-e urtime arrecheuggeite e da proteçion de-e cortivaçioin d’ötunno. De maniman che se libera do terren beseugna inandiâlo pe-a proscima primmaveia. Sappettæ a tæra e spampaggiæ o liamme ò atro conçimme à lento relascio. Mi preferiscio i conçimmi naturali che tëgnan a tæra viva perché se fan aggiuttâ da i batteri e da-i lombrighi. Ma se un o veu addeuttâ atre conçimmaçioin, o mæ conseggio o l’é che o fasse primma unn’analixi chimica do terren pe addeuviâ e giuste quantitæ. Se stæ inte un pòsto donde no neva, saieva o caxo de fâ unna crovitua ben ben scciassa, con feugge, erba (sensa armelle) fen e – pe avvardâla da-o sciusciâ di venti – mettighe in çimma ramme e prie. Veddiæ che quande in primmaveia â leviæ de d’ato, sotta o terren o saià bello sciòcco e neigro. Inte sto meise, se semmo inte un pòsto no guæi freido, se peu semenâ e bazzañe, sedonca l’é megio spëtâ a primmaveia. Ascì i poïsci e i çeixai, ma no vexin, che no se «veuan ben». Se ei de çioule e pöri da inverno da traciantâ, o l’é o momento bon. Se st’estæ ei taggiou o radiccion, no arrancæ e reixe, che in primmaveia sciortian feua i costetti. A-i cöi gaggetta (Brassica oleracea var. sabauda), cöi garbuxi (Brassica oleracea var. capitata) e cöi neigri ghe piaxe o freido, ançi, o zeo; vëgnan ciù croccanti e savoii. L’é o momento de cheugge e varietæ tardie de brigne. Se ve piaxe, se peuan recheugge ascì i brigneu che s’adeuvian pe insavoî a rappa ò pe fâ un licô doçe.

☞ Ammiâ tutti i conseggi pe l’òrto

A squaddra do meise Caireise

Sta squaddra a no l’é avvoxâ pe avei guägnou di titoli ò pe un motivo particolare ma a l’é un exempio da pascion pe-o ballon do Ponente ligure: l’A.S.D. Caireise 1919 a l’à avuo l’önô de militâ inta serie profescionale da C2 inta saxon 1985-1986. Dòppo sto successo a squaddra a l’à gallezzou delongo tra e categorie di amatoî. I giano-bleu zeugan into staddio «Cesare Brin», battezzou in nomme do proprietäio ciù importante da stöia da soçietæ. A Caireise a l’à guägno l’intrâ inta Serie D do 2024, inta speransa de vedde un trend poxitivo pe-i pròscimi anni.

☞ Ammiâ a lista de squaddre