Lunäio zeneise da sciâ Tägnâ
Proverbio zeneise № 128
Mocciacci, cëghetti e tamborin do reggimento an pöca speansa de portâ o cû à sarvamento.[Mozzi, chierichetti e tamburini del reggimento hanno poca speranza di portare il didietro in salvo.]
Perché ste categorie de persoñe, inte un ambiente tutto formou de òmmi areo, ben ben de vòtte ean assequææ à satisfâ e exigense sessuale di ciù vegi. Pe dî a veitæ, unna verscion ciù vegia do proverbio a parlava solo de «mocciacci» e «tamborin» e a diva che «an sempre speansa de portâ o cû à sarvamento», perché mossi e tamborin no se impegnan inte nisciun scontro co-o nemigo; ma quarche maiçioso – no se sa chi – o gh’à azzonto i cëghetti e o l»à cangiou o senso da frase con dî che de speansa no n»an guæi. Poei çernive viatri a verscion chi v’é ciù cao.