Lunäio zeneise da sciâ Tägnâ
Proverbio zeneise № 35
Frevâ, a primmaveia a sata in mâ.[A febbraio la primavera salta in mare.]
Chì gh’é un zeugo de poule tra «primmaveia» (a saxon) e a «primma veia», a primma imbarcaçion à veia ch’a s’incalla à anâ pe mâ a-a fin de l’inverno. No se peu denegâ che inte sto proverbio se respia un senso de libeaçion da-o grixô e da-o freido da brutta saxon; quella primma veia, ch’a desfia i bacaletti co-o presentimento da stæ, pâ fiña de veddila.