Lunäio zeneise da sciâ Tägnâ
Proverbio zeneise № 419
Ò merda ò berretta rossa.[O merda o berretto rosso.]
O se dixe quande un o l’à deçiso de no contentâse de pöco, aut Caesar aut nihil, stante che a berretta rossa a l’ea quella do Duxe. Ma segondo di atri, a «berretta rossa» saieivan e scòrse de axinelle sciaccæ, che restan dòppo che s’é pestou l’uga pe fâ o vin, e s’assomeggian un pittin a-a gnisca: inte sto caxo, o proverbio o vorrieiva dî che beseugna arresegâ tutto quello che se gh’à, fiña a vitta, pe sciortî da unna scituaçion diffiçile, comme inte l’italian «o la va, o la spacca»; sta chì a porrieiva ëse a vea raxon do dito, se tegnimmo conto da tendensa di letterati e studioxi à nobilitâ çerte esprescioin popolare con di reciammi dòtti à l’istöia, fiña antiga, che o pòpolo o no s’à maiciù assunnou de tiâ à mezo.