Lunäio zeneise da sciâ Tägnâ
Proverbio zeneise № 71
Se frevâ o no frevezza, marso o ghe pensa.[Se febbraio non febbreggia, marzo ci pensa.]
Dito ch’o se reciamma a-a lezzendia segondo a quæ unna veggetta a l’à scöxio Frevâ, apreuvo a-o fæto che o seu brutto tempo o no gh’aiva fæto nisciun danno; Frevâ o s’é offeiso, o s’à fæto impremuâ çinque giorni da Marso e o l’à fæto o diao à quattro inte quell’erco de tempo. De chì vëgne l’uso de ciammâ i primmi çinque giorni de marso i çinquæ che veddan unna momentania recheita inte l’inverno.