Lunäio zeneise pe l’anno 2026 da sciâ Tägnâ e amixi

Zena, Stampaia San Zòrzo

mazzo

Giorno e festivitæ Sô (Zena)
spægâ chinâ
venardì 1 Giorno do travaggio,
S. Giöxeppe artexan		 6 15 20 27
sabbo 2 S. Cesare 6 14 20 28
domenega 3 SS. Feipo e Giacomo 6 13 20 30
lunesdì 4 S. Scirvan e Nereo 6 11 20 31
mätesdì 5 S. Pellegrin martire 6 10 20 32
mäcordì 6 S. Giuditta martire 6 09 20 33
zeuggia 7 SS. Flavia e Furvio 6 07 20 34
venardì 8 S. Dexiderou 6 06 20 36
sabbo 9 S. Grigheu vesco 6 04 20 37
domenega 10 S. Antonin 6 03 20 38
lunesdì 11 S. Fabio martire 6 02 20 39
mätesdì 12 S. Rossaña 6 01 20 40
mäcordì 13 S. Emma 6 00 20 42
zeuggia 14 S. Mattia apòstolo,
S. Ampegi de Bordighea		 5 58 20 43
venardì 15 S. Torquou 5 57 20 43
sabbo 16 S. Ubaldo vesco 5 56 20 45
domenega 17 Ascension,
S. Pasquâ		 5 55 20 46
lunesdì 18 S. Feliçe de Cantalice,
S. Zane I pappa		 5 54 20 47
mätesdì 19 S. Çelestin V pappa 5 53 20 48
mäcordì 20 S. Bernardin da Sieña 5 52 20 49
zeuggia 21 S. Vittöio martire 5 51 20 50
venardì 22 S. Rita da Cascia 5 50 20 51
sabbo 23 S. Dexidëio vesco 5 49 20 52
domenega 24 Pentecòste, Pasqua de reuse,
B. V. Maria auxiliatrixe		 5 48 20 53
lunesdì 25 S. Beda confessô 5 48 20 54
mätesdì 26 S. Feipo Neri 5 47 20 55
mäcordì 27 S. Agostin 5 46 20 56
zeuggia 28 S. Emilio M. 5 45 20 57
venardì 29 S. Mascimin vesco 5 45 20 58
sabbo 30 S. Gioana d’Arc 5 44 20 59
domenega 31 S.ima Trinitæ,
Vixitaçion da B.V.M.		 5 43 21 00

I proverbi do meise

Ni pe mazzo ni pe mazzon no te levâ o pellisson.
Né per maggio né per maggione non levarti il pelliccione.

Unna sciô a no fa mazzo.
Un fiore non fa maggio.

Mazzo çexe à l’assazzo, zugno çexe à pugno.
Maggio ciliegie all’assaggio, giugno ciliegie a pugno.

Mazzo e frasche, zugno e borrasche.
A maggio le carezze (le pioggerelle), a giugno le burrasche.

☞ Ammiâ tutti i proverbi

I conseggi pe l’òrto

Mazzo o l’é un meise de gran travaggio. Se peu anâ avanti à traciantâ, e fâ i trattamenti a-i erboi da fruta. Beseugna incarassâ tutte e ciante che ghe n’an de beseugno, controllâ tutti i giorni e patatte e quande gh’é unna cianta rosiggiâ ammiâghe da arente: ghe saian seguo di atri bäbòlli da levâ. Beseugna levâ l’erba drento di sorchi e taggiâ primma ch’a vagghe in semensa quella inti bòrdi e inte ziñe. Fâ e segonde semene de insalatte da taggio, semenâ o baxaicò e o porsemmo, levâ i «bastardi» a-e tomate, meizañe e pevioin e ligâ e ciante de maniman che crescian. D’ògni tanto dâ o rammo e o sorfo a-e ciante che n’avessan de beseugno e bagnâ con costansa i sorchi e e preuxe. No se peu mancâ un giorno da chì a-a fin da estæ, un pö pe l’erba, un pö perché e ciante n’aggian sæ, e dapeu pe tegnî d’euggio i parasciti.

Se creddei a-e luñe, se peu imbottiggiâ de luña neua.

☞ Ammiâ tutti i conseggi pe l’òrto

A squaddra do meise Sandöia

Sta squaddra a no l’à beseugno de presentaçion: l’Union Calcistica Sandöia, titolâ de un scuo, quattro Coppe Italia, unna Supercoppa Italiaña, unna Coppa de Coppe UEFA e un campionato de Serie B, a l’é fòscia a squaddra de ballon moderna ciù importante da Liguria. I seu coî caratteristichi en dovui da l’union (da chì o titolo) da Sampedæñeise (çerciâ de rossoneigro) e da Andrea Döia (gianco-bleu), de donde o nomme i bleuçerciæ. Lezzendäia a l’é stæta a squaddra do mister Vujadin Boškov, a quæ a l’à guägnou a UEFA do 1990, o Scuo do 1991, e a Supercoppa do mæximo anno à Zena. A squaddra a zeuga into Ferraris, o stadio do quartê de Marasci, avvoxou in tutto o mondo. E difficortæ di urtimi anni no mettan in ombra e conquiste da squaddra di seu tempi d’öo.

☞ Ammiâ a lista de squaddre