Lunäio zeneise pe l’anno 2026 da sciâ Tägnâ e amixi
Zena, Stampaia San Zòrzo
zugno
| Giorno e festivitæ | Sô (Zena) | ||||||
|---|---|---|---|---|---|---|---|
| spægâ | chinâ | ||||||
| lunesdì | 1 | S. Giustin martire | 5 | 43 | 21 | 01 | |
| mätesdì | 2 | Festa da Repubrica, S. Emo |
5 | 42 | 21 | 01 | |
| mäcordì | 3 | S. Genesio | 5 | 42 | 21 | 02 | |
| zeuggia | 4 | Corpus Domini, S. Quirin |
5 | 42 | 21 | 03 | |
| venardì | 5 | S. Bonifaçio vesco | 5 | 41 | 21 | 04 | |
| sabbo | 6 | S. Norberto vesco | 5 | 40 | 21 | 04 | |
| domenega | 7 | S. Antögno Maria Gianelli | 5 | 40 | 21 | 05 | |
| lunesdì | 8 | S. Medardo vesco | 5 | 40 | 21 | 06 | |
| mätesdì | 9 | S. Primmo | 5 | 40 | 21 | 06 | |
| mäcordì | 10 | S. Landerico vesco | 5 | 40 | 21 | 07 | |
| zeuggia | 11 | S. Barnaba | 5 | 39 | 21 | 07 | |
| venardì | 12 | S. Guiddo | 5 | 39 | 21 | 08 | |
| sabbo | 13 | S. Antögno de Lisboña | 5 | 39 | 21 | 09 | |
| domenega | 14 | S. Eliseo | 5 | 39 | 21 | 09 | |
| lunesdì | 15 | S. Benardo d’Aòsta | 5 | 39 | 21 | 10 | |
| mätesdì | 16 | S. Chigo | 5 | 39 | 21 | 10 | |
| mäcordì | 17 | S. Valeriaña | 5 | 39 | 21 | 10 | |
| zeuggia | 18 | S. Mariña | 5 | 39 | 21 | 11 | |
| venardì | 19 | SS. Gervasio e Protasio | 5 | 39 | 21 | 11 | |
| sabbo | 20 | S. Scirvëio | 5 | 39 | 21 | 12 | |
| domenega | 21 | S. Luiggi Gonzaga | 5 | 39 | 21 | 12 | |
| lunesdì | 22 | S. Paolin da Nöla | 5 | 40 | 21 | 12 | |
| mätesdì | 23 | S. Lanfranco | 5 | 40 | 21 | 12 | |
| mäcordì | 24 | Nativitæ de S. Gioane Battesto | 5 | 40 | 21 | 12 | |
| zeuggia | 25 | S. Pròspeo | 5 | 40 | 21 | 12 | |
| venardì | 26 | S. Vigilio | 5 | 41 | 21 | 12 | |
| sabbo | 27 | S. Cirillo de Lusciandra | 5 | 41 | 21 | 12 | |
| domenega | 28 | S. Tillio | 5 | 42 | 21 | 12 | |
| lunesdì | 29 | SS. Pê e Paolo | 5 | 42 | 21 | 12 | |
| mätesdì | 30 | SS. primmi martiri | 5 | 43 | 21 | 12 | |
I proverbi do meise
Mazzo çexe à l’assazzo, zugno çexe à pugno.
Maggio ciliegie all’assaggio, giugno ciliegie a pugno.
Mazzo e frasche, zugno e borrasche.
A maggio le carezze (le pioggerelle), a giugno le burrasche.
Se l’é zugno sensa vento, l’annâ a va à sarvamento.
Se giugno è senza vento, l’annata va a salvamento.
I conseggi pe l’òrto
De zugno, i travaggi en ciù o meno i mæximi de mazzo. Se gh’ei di erboi da fruta che ei poou quande l’ea o momento, peu ëse che ghe segge cresciuo di «bastardi», saiva à dî quelle ramme che van sciù drite in mezo a-e atre ramme. Saieivan da taggiâ, perché sussan o sugo da cianta e s’impan de feugge che fan ombra a-e frute no faxendole meuiâ. Diggo saieivan, perché se e ramme çernue into momento da poatua fïsan seccæ ò ammoutie, se piggia un susson de proscimitæ, o ô se cega à l’infeua, se taggia i maròtti e o ô se fa vegnî unna ramma da fruta. Inte sto meise beseugna ëse torna de boña voentæ: se sappa, se recava, se leva i bastardi da-e tomate, se dà a mente a-e carasse e inti sorchi se fâ de mòddo che no ghe segge erba drento, se taggia l’erba in gio ch’a no vagghe in semensa e se fa ascì quarche semenaggion neua de insalatte, se cianta cöi, faxeu, fenoggi, faxolin, ravanetti, rave e se tracianta ascì i gardi e quarche gamba de tomata pe unna produçion tardia.
In scê erbe e e scioe boñe da mangiâ. Inte sta saxon se cheugge e erbe sarvæghe e e scioe boñe da mangiâ. O coscì dito preboggion (mescciua de erbe sarvæghe da boggî) o l’é despægio da zöna à zöna, ascì perché ognidun o gh’à i seu gusti e e seu tradiçioin. Quæxi tutti, però, into masso ghe mettan: borraxa (Borrago officinalis), scixerboa (Sonchus oleraceus), giæa sarvæga (Beta vulgaris), oege de crava (Plantago coronopus), erba nerviña (Plantago lanceolata), dente de can ò sciuscion (Taraxacum officinale), erba de vacche (Valeriana rubra), pimpinella (Sanguisorba minor), radiccion (Cichorium intybus), ortiga (Urtica dioica). Scioisce a gazzia e o sambrugo co-i quæ se peu fâ di boniscimi frisceu.
☞ Ammiâ tutti i conseggi pe l’òrto
A squaddra do meise Entella
L’Entella, a squaddra a ciù importante do Tigullio, avversäia da Lavagneise e do Sestri Levante, con un campionato de Serie C, un de Lega Pro e quattro de Serie D, a l’é delongo stæta unna squaddra boña de batte squaddre ben ciù valente in sciô papê comme o Zena. Co-i coî gianco-bleuçê, l’Entella Chiavari a zeuga into staddio communale de Ciavai e a l’é apreuvo à fâ retorno inta Serie B, con mostrâ a grande ambiçion di diäi neigri de voei compete inte divixoin ciù erte. Lezzendäia a l’é stæta a seu primma remonta inte categorie ciù erte partindo da-a seu refondaçion do 2002 sotta o nomme Unione Sportiva Valle Sturla Entella, con l’arrivo inta Serie B do 2014.