Lunäio zeneise pe l’anno 2027 da sciâ Tägnâ e amixi

Zena, Stampaia San Zòrzo

marso

Giorno e festivitæ Sô (Zena)
spægâ chinâ
lunesdì 1 S. Albin 7 02 18 11
mätesdì 2 S. Quinto 7 01 18 12
mäcordì 3 S. Cunegonda 6 59 18 14
zeuggia 4 S. Caximiro 6 57 18 15
venardì 5 S. Adrian 6 55 18 16
sabbo 6 S. Marçian 6 54 18 18
domenega 7 4ª domenega de Quæxima,
SS. Feliçita e Perpetua		 6 52 18 19
lunesdì 8 Giornâ da dònna,
S. Gioane de Dio		 6 50 18 20
mätesdì 9 S. Françesca romaña 6 48 18 22
mäcordì 10 S. Simpliçio pappa 6 46 18 23
zeuggia 11 S. Constantin 6 45 18 24
venardì 12 S. Mascimilian 6 43 18 25
sabbo 13 S. Cristiña 6 41 18 27
domenega 14 5ª domenega de Quæxima,
S. Metirde		 6 39 18 28
lunesdì 15 S. Longin 6 37 18 29
mätesdì 16 S. Eriberto vesco 6 36 18 31
mäcordì 17 S. Patriçio 6 34 18 32
zeuggia 18 S. Sarvou 6 32 18 33
venardì 19 S. Giöxeppe 6 30 18 34
sabbo 20 S. Claudia 6 28 18 36
domenega 21 Domenega di parmê,
A rammoia,
S. Beneito		 6 27 18 37
lunesdì 22 S. Lea 6 24 18 38
mätesdì 23 S. Turibio 6 22 18 39
mäcordì 24 S. Reummo 6 21 18 40
zeuggia 25 Zeuggia santa,
Annonçiaçion do Segnô		 6 19 18 42
venardì 26 Venardì santo,
S. Manoælo		 6 17 18 43
sabbo 27 S. Gosta 6 15 18 44
domenega 28 Pasqua de Resurreçion,
S. Scisto III pappa		 7 13 18 45
lunesdì 29 Lunesdì de l’Angeo,
S. Segondo martire		 7 12 19 47
mätesdì 30 S. Amedeo 7 10 19 48
mäcordì 31 S. Beniamin 7 08 19 49

I proverbi do meise

Marso, tenzime o cû e no me tenzi atro.
Marzo, tingimi il culo e non mi tingere altro.

Se frevâ o no frevezza, marso o ghe pensa.
Se febbraio non febbreggia, marzo ci pensa.

Marso sciuto e arvî bagnou, beato o villan chi à semenou.
Marzo asciutto e aprile bagnato, beato il contadino che ha seminato.

À San Giöxeppe, se ti peu, impi a poela de frisceu.
A San Giuseppe, se puoi, riempi la padella di frittelle.

☞ Ammiâ tutti i proverbi

I conseggi pe l’òrto

Marso o l’é o momento giusto pe-a prevençion de moutie fonziñe inti erboi da fruta: beseugna fâ di trattamenti co-o rammo e o sorfo. Dæto che inte questo meise l’é façile che ghe segge tanta differensa de temperatua tra o giorno e a neutte, e parte de scòrse di erboi espòste a-o sô peuan patî de scciappeuie. Pe schivâ o problema se peu spennellâ a scòrsa di erboi con quarcösa de ciæo. I nòstri vegi ghe davan a cäçiña, ma se peu addeuviâ atre preparaçioin appöxite. Momento bon ascì pe fâ i innesti à taggio. Semenæ in tæra leitughe, spinasci, giæe, radiccioin e scaròlle ma co-e proteçioin de tesciuo no tesciuo pe-a neutte. Se peuan mette inta tæra e patatte çernue tra e qualitæ ciù adattæ a-e vòstre bande. Se gh’ei do spaçio a-o sosto, preparæ di vasetti e semenæ succhin, sucche, meizañe, tomate, pevioin, pevionetti, chigheumai, faxolin, çellao, porsemmo, e baxaicò. Chi gh’à o vin da imbottiggiâ peu fâlo da-a meitæ do meise scin a-a fin.

Se ghe creddei, poei ammiâ e luñe: primmo quarto, vin ch’o frizze; luña piña e urtimo quarto de marso, tutto o vin. Segondo a convinçion no se deve imbottiggiâ de luña neua.

☞ Ammiâ tutti i conseggi pe l’òrto

A squaddra do meise Impëia

I draghi d’Impëia piggian l’ereditæ de l’Union Sportiva Impëia fondâ do 1923 e de tante atre soçietæ che, dòppo sta chì, an piggiou o nomme da çittæ inti anni: A.S. Imperia ’87, A.S.D. Imperia Calcio, Pro Imperia, etc. Pe di anni a l’à dovuo scompartîse a provinsa co-a Vintimiggeise e a Sanremmeise, patindo retroçescioin e vegnindo refondâ træ vòtte. Sciben e difficortæ, l’Impëia o vanta ben quattro Coppe Italia Dilettante da Liguria, e trei campionati de Serie D. L’A.S.D. Impëia o zeuga into stadio Ciccione co-i coî neigro-bleu.

☞ Ammiâ a lista de squaddre