Lunäio zeneise pe l’anno 2025 da sciâ Tägnâ e amixi
Zena, Stampaia San Zòrzo
arvî
| Giorno e festivitæ | Sô (Zena) | ||||||
|---|---|---|---|---|---|---|---|
| spægâ | chinâ | ||||||
| mätesdì | 1 | S. Ugo | 7 | 06 | 19 | 51 | |
| mäcordì | 2 | S. Françesco da Paola | 7 | 04 | 19 | 52 | |
| zeuggia | 3 | S. Riccardo vesco | 7 | 03 | 19 | 53 | |
| venardì | 4 | S. Ixidöo vesco | 7 | 01 | 19 | 54 | |
| sabbo | 5 | S. Viçenso Ferrer | 6 | 59 | 19 | 55 | |
| domenega | 6 | 5ª domenega de Quæxima, SS. Ghiggermo e Diògene |
6 | 57 | 19 | 57 | |
| lunesdì | 7 | S. Ermanno | 6 | 55 | 19 | 58 | |
| mätesdì | 8 | S. Alberto Dionigi, Beato Martin de Pegi |
6 | 54 | 19 | 59 | |
| mäcordì | 9 | S. Maria Cleofe | 6 | 52 | 20 | 00 | |
| zeuggia | 10 | S. Terençio | 6 | 50 | 20 | 01 | |
| venardì | 11 | S. Stanislao | 6 | 48 | 20 | 03 | |
| sabbo | 12 | S. Giulio Pappa | 6 | 46 | 20 | 04 | |
| domenega | 13 | Domenega di parmê, S. Martin Pappa |
6 | 45 | 20 | 05 | |
| lunesdì | 14 | S. Abbondio | 6 | 43 | 20 | 06 | |
| mätesdì | 15 | S. Annibale | 6 | 41 | 20 | 07 | |
| mäcordì | 16 | S. Lamberto | 6 | 39 | 20 | 09 | |
| ☞ | zeuggia | 17 | Zeuggia santa, S. Aniceto |
6 | 37 | 20 | 10 |
| venardì | 18 | Venardì santo, S. Galdin |
6 | 36 | 20 | 12 | |
| sabbo | 19 | S. Ermogene Martire | 6 | 34 | 20 | 13 | |
| domenega | 20 | Pasqua de Resurreçion, S. Adalgisa V. |
6 | 33 | 20 | 14 | |
| lunesdì | 21 | Lunesdì de l’Angeo, S. Anselmo |
6 | 31 | 20 | 15 | |
| mätesdì | 22 | S. Leònida | 6 | 30 | 20 | 16 | |
| mäcordì | 23 | S. Zòrzo | 6 | 28 | 20 | 18 | |
| zeuggia | 24 | Liberaçion de Zena, SS. Fedê e Gaston |
6 | 26 | 20 | 19 | |
| venardì | 25 | Festa da Liberaçion, S. Marco |
6 | 25 | 20 | 20 | |
| sabbo | 26 | SS. Cleto e Marçellin | 6 | 23 | 20 | 21 | |
| domenega | 27 | S. Sitta | 6 | 21 | 20 | 22 | |
| lunesdì | 28 | SS. Valeria e Pê Chanel | 6 | 20 | 20 | 24 | |
| mätesdì | 29 | S. Catæña da Siena | 6 | 18 | 20 | 25 | |
| mäcordì | 30 | S. Pio V pappa | 6 | 17 | 20 | 26 | |
I proverbi do meise
A-o primmo d’arvî tutti i scemmi se fan corrî.
Il primo d’aprile si fanno correre tutti gli scemi.
Marso sciuto e arvî bagnou, beato o villan chi à semenou.
Marzo asciutto e aprile bagnato, beato il contadino che ha seminato.
Arvî, fa bon dormî.
Aprile, si dorme facilmente.
Arvî o n’à trenta, ma s’o n’avesse trentun o no faieiva mâ à nisciun.
Aprile ne ha trenta e se ne avesse trentuno non farebbe male a nessuno.
I conseggi pe l’òrto
Arvî o l’é o meise bon pe semenâ quæxi tutto: leitughe, radiccioin, giæe, faxolin gancetti e faxolin pellandroin, faxeu e faxoæle, poïsci, ravanetti e rave, spinasci, cöi de stæ, çeixai, granon doçe. Con sæximo e delicatessa se peu traciantâ e ciantiñe de succhin, pateche, meizañe, pevioin, tomate, çellai. E tomate l’é megio incarassâle a-a primma. Dòppo a meitæ do meise se peu semenâ: boraxe, porsemmo, persa. Se gh’ei do terren da inricchî in mainea naturale, se peu semenâlo con erba mega, treifeuggio gianco e rosso, senapa sarvæga (ma no se dapeu ghe voei semenâ di cöi). Poei ascì guägnâ do fæto d’avei ciantou e bazzañe: dòppo a recuggeita de tutte e teighe no stæ à rancâle ma taggiæle a-o còllo e lasciæ e reixe into terren e o verde in çimma à seccâ. Quande saià o momento de semenâ, interræ o tutto e o terren o gh’avià unna bella scòrta de azöto. Inte sto meise comensa à sciortî pigheuggi, mosche da fruta, parpaggieue e parpellette parascite. Beseugna fâ di trattamenti contra e bestiete e, scicomme «à arvî cioî cioî», ascì fâ prevençion pe-e moutie fonziñe. Se e ciante de patatte en vegnue erte abasta, beseugna recavâle. Ammiæ che no ghe segge za euve e bäbòlli de dorifora: e euve en giäne e i bäbòlli en reusa con de maccette neigre. Mi ê levava à man, anche perché tutti i produti che en in vendia son ben ben teusceghi e no guæi de boña reisa.
☞ Ammiâ tutti i conseggi pe l’òrto
A squaddra do meise Spezziña
A Cestistica Spezziña a l’é avvoxâ inta pallacanestro femeniña e fondâ do 1969. A s’attreuva còmmoda inta serie A2 con unna Coppa Italia A2 into seu palmares. I coî arregòrdan quelli da squaddra de ballon da çittæ e a-o momento a zeuga drento a-o PalaMariotti de Spezza.