Lunäio zeneise pe l’anno 2026 da sciâ Tägnâ e amixi

Zena, Stampaia San Zòrzo

marso

Giorno e festivitæ Sô (Zena)
spægâ chinâ
domenega 1 2ª domenega de Quæxima,
S. Albin		 7 02 18 11
lunesdì 2 S. Quinto 7 01 18 12
mätesdì 3 S. Cunegonda 6 59 18 14
mäcordì 4 S. Caximiro 6 57 18 15
zeuggia 5 S. Adrian 6 55 18 16
venardì 6 S. Marçian 6 54 18 18
sabbo 7 SS. Feliçita e Perpetua 6 52 18 19
domenega 8 3ª domenega de Quæxima,
Giornâ da dònna,
S. Gioane de Dio		 6 50 18 20
lunesdì 9 S. Françesca romaña 6 48 18 22
mätesdì 10 S. Simpliçio pappa 6 46 18 23
mäcordì 11 S. Constantin 6 45 18 24
zeuggia 12 S. Mascimilian 6 43 18 25
venardì 13 S. Cristiña 6 41 18 27
sabbo 14 S. Metirde 6 39 18 28
domenega 15 4ª domenega de Quæxima,
S. Longin		 6 37 18 29
lunesdì 16 S. Eriberto vesco 6 36 18 31
mätesdì 17 S. Patriçio 6 34 18 32
mäcordì 18 S. Sarvou 6 32 18 33
zeuggia 19 S. Giöxeppe 6 30 18 34
venardì 20 S. Claudia 6 28 18 36
sabbo 21 S. Beneito 6 27 18 37
domenega 22 5ª domenega de Quæxima,
S. Lea		 6 24 18 38
lunesdì 23 S. Turibio 6 22 18 39
mätesdì 24 S. Reummo 6 21 18 40
mäcordì 25 Annonçiaçion do Segnô 6 19 18 42
zeuggia 26 S. Manoælo 6 17 18 43
venardì 27 S. Gosta 6 15 18 44
sabbo 28 S. Scisto III pappa 6 13 18 45
domenega 29 Domenega di parmê,
S. Segondo martire		 7 12 18 47
lunesdì 30 S. Amedeo 7 10 19 48
mätesdì 31 S. Beniamin 7 08 19 49

I proverbi do meise

Marso, tenzime o cû e no me tenzi atro.
Marzo, tingimi il culo e non mi tingere altro.

Se frevâ o no frevezza, marso o ghe pensa.
Se febbraio non febbreggia, marzo ci pensa.

Marso sciuto e arvî bagnou, beato o villan chi à semenou.
Marzo asciutto e aprile bagnato, beato il contadino che ha seminato.

À San Giöxeppe, se ti peu, impi a poela de frisceu.
A San Giuseppe, se puoi, riempi la padella di frittelle.

☞ Ammiâ tutti i proverbi

I conseggi pe l’òrto

Marso o l’é o momento giusto pe-a prevençion de moutie fonziñe inti erboi da fruta: beseugna fâ di trattamenti co-o rammo e o sorfo. Dæto che inte questo meise l’é façile che ghe segge tanta differensa de temperatua tra o giorno e a neutte, e parte de scòrse di erboi espòste a-o sô peuan patî de scciappeuie. Pe schivâ o problema se peu spennellâ a scòrsa di erboi con quarcösa de ciæo. I nòstri vegi ghe davan a cäçiña, ma se peu addeuviâ atre preparaçioin appöxite. Momento bon ascì pe fâ i innesti à taggio. Semenæ in tæra leitughe, spinasci, giæe, radiccioin e scaròlle ma co-e proteçioin de tesciuo no tesciuo pe-a neutte. Se peuan mette inta tæra e patatte çernue tra e qualitæ ciù adattæ a-e vòstre bande. Se gh’ei do spaçio a-o sosto, preparæ di vasetti e semenæ succhin, sucche, meizañe, tomate, pevioin, pevionetti, chigheumai, faxolin, çellao, porsemmo, e baxaicò. Chi gh’à o vin da imbottiggiâ peu fâlo da-a meitæ do meise scin a-a fin.

Se ghe creddei, poei ammiâ e luñe: primmo quarto, vin ch’o frizze; luña piña e urtimo quarto de marso, tutto o vin. Segondo a convinçion no se deve imbottiggiâ de luña neua.

☞ Ammiâ tutti i conseggi pe l’òrto

A squaddra do meise Pro Recco

Sta squaddra de waterpölo a l’é a ciù titolâ a-o mondo; a Pro Recco Waterpolo 1313, ciammâ da tutti Pro Recco, a peu vantâ un gran numero de titoli: 36 scui, 17 Coppe Italia, 11 Champions League, 9 Supercòppe… I gianco-bleu mantëgnan a tradiçion de tante squaddre ligure da-i coî gianco e bleuçê, e zeugan inta pisciña do commun de Söi.

☞ Ammiâ a lista de squaddre