Lunäio zeneise pe l’anno 2026 da sciâ Tägnâ e amixi
Zena, Stampaia San Zòrzo
zenâ
| Giorno e festivitæ | Sô (Zena) | ||||||
|---|---|---|---|---|---|---|---|
| spægâ | chinâ | ||||||
| ☞ | zeuggia | 1 | Primmo de l’anno, Moæ do Segnô |
8 | 00 | 16 | 55 |
| venardì | 2 | S. Baxilio vesco | 8 | 00 | 16 | 55 | |
| sabbo | 3 | S. Genoveffa | 8 | 00 | 16 | 57 | |
| domenega | 4 | S. Ermete | 8 | 00 | 16 | 57 | |
| lunesdì | 5 | S. Amelia | 8 | 00 | 16 | 58 | |
| mätesdì | 6 | Pasqueta | 8 | 00 | 17 | 00 | |
| mäcordì | 7 | SS. Luçian e Raimondo | 8 | 00 | 17 | 00 | |
| zeuggia | 8 | S. Mascimo e Severin | 8 | 00 | 17 | 01 | |
| venardì | 9 | S. Giulian martire | 8 | 00 | 17 | 03 | |
| sabbo | 10 | S. Aldo ermitto | 8 | 00 | 17 | 04 | |
| domenega | 11 | S. Igin pappa | 7 | 59 | 17 | 05 | |
| lunesdì | 12 | S. Modesto martire | 7 | 58 | 17 | 06 | |
| mätesdì | 13 | S. Iläio de Poitiers | 7 | 58 | 17 | 07 | |
| mäcordì | 14 | S. Feliçe | 7 | 58 | 17 | 09 | |
| zeuggia | 15 | S. Mauro abbou | 7 | 57 | 17 | 10 | |
| venardì | 16 | S. Marçello pappa | 7 | 57 | 17 | 11 | |
| sabbo | 17 | Prinçipio de Carlevâ, S. Antögno abbou |
7 | 56 | 17 | 12 | |
| domenega | 18 | S. Liberâ | 7 | 55 | 17 | 13 | |
| lunesdì | 19 | S. Mario martire | 7 | 55 | 17 | 15 | |
| mätesdì | 20 | S. Sebastian | 7 | 54 | 17 | 16 | |
| mäcordì | 21 | S. Agneise | 7 | 54 | 17 | 18 | |
| zeuggia | 22 | S. Viçenso martire | 7 | 52 | 17 | 19 | |
| venardì | 23 | S. Emerençiaña | 7 | 52 | 17 | 20 | |
| sabbo | 24 | S. Françesco de Sales | 7 | 51 | 17 | 21 | |
| domenega | 25 | Converscion de S. Paolo Apòstolo | 7 | 50 | 17 | 23 | |
| lunesdì | 26 | SS. Timoteo e Tito | 7 | 49 | 17 | 24 | |
| mätesdì | 27 | S. Angea Merici | 7 | 48 | 17 | 25 | |
| mäcordì | 28 | SS. Tomaxo d’Aquin e Valerio | 7 | 48 | 17 | 27 | |
| zeuggia | 29 | SS. Constanso e Cesäio | 7 | 46 | 17 | 28 | |
| venardì | 30 | SS. Martiña e Saviña | 7 | 45 | 17 | 30 | |
| sabbo | 31 | S. Gioane Bòsco | 7 | 44 | 17 | 31 | |
I proverbi do meise
Se zenâ o l’impe e fòsse, settembre o l’impe a tiña.
Se gennaio riempie i fossi, settembre riempie il tino.
À Pasqueta o giorno o cresce unn’oeta.
All’Epifania il giorno cresce un’oretta.
Anno neuvo, ògni galliña a fa l’euvo.
Anno nuovo, ogni gallina fa l’uovo.
À San Bastian cresce o giorno un passo de can.
A San Sebastiano cresce il giorno un passo di cane.
I conseggi pe l’òrto
À zenâ inte l’òrto no gh’é guæi da fâ. Saieva o caxo de dâ unn’euggiâ à sappe e atri attressi pe fâ un pittin de manutençion, comme levâ à ruzze, onze i maneghi con euio de lin e affiâ pennacchi e-e messoiette. No saieiva mâ açende ascì mötosappe e taggiacosti (tutto quello ch’o va à motô) pe vedde se fonçioñan, magara cangiâ quarche tòcco e accattâ e candeie pe aveighele a-a man. Controllâ e condiçioin de grasciue e pue pe-i trattamenti e mette in ordine e semense che emmo fæto ò accattou l’anno passou. Pe chi gh’à ascì erboi de mei e pei, se peuan poâ, ma visto che e saxoin son delongo ciù cade, besorrieva piggiâ o momento ciù freido de l’inverno pe fâ patî e ciante o meno che se peu. Se ei tegnuo de patatte da semensa, o l’é o momento de fâle buttâ, mettendoe vexin a-o barcon da cantiña descoverte. Ma se a cortivaçion a l’é stæta fæta sott’a-i 800 metri, no gh’é conveniensa (sott’a-i 800m e patatte patiscian de moutie fonziñe), e l’é megio accattâle neue. Se gh’ei unna særa ò unna pascionea, poei semenâ leituga, spinasci, cöi, pöri. Se ei semenou d’ötunno e a cortivaçion a l’é cresciua tanto pe-o tròppo cado anormale, controllæ e temperatue de neutte e tegnî a-a man di feuggi de tesciuo no tesciuo pe-a covertua.
☞ Ammiâ tutti i conseggi pe l’òrto
A squaddra do meise Entella
L’Entella, a squaddra a ciù importante do Tigullio, avversäia da Lavagneise e do Sestri Levante, con un campionato de Serie C, un de Lega Pro e quattro de Serie D, a l’é delongo stæta unna squaddra boña de batte squaddre ben ciù valente in sciô papê comme o Zena. Co-i coî gianco-bleuçê, l’Entella Chiavari a zeuga into staddio communale de Ciavai e a l’é apreuvo à fâ retorno inta Serie B, con mostrâ a grande ambiçion di diäi neigri de voei compete inte divixoin ciù erte. Lezzendäia a l’é stæta a seu primma remonta inte categorie ciù erte partindo da-a seu refondaçion do 2002 sotta o nomme Unione Sportiva Valle Sturla Entella, con l’arrivo inta Serie B do 2014.